GEDEELDE WORTELS, GEDEELDE DROME

Heidelberg in die Kaap bars uit sy nate van trots, en met rede. Twee van die dorpskinders is deesdae bekende sepiesterre, en vandag stap ons saam met hulle in die strate van hul grootword-plek rond. So plat op die aarde is hulle dat jy skaars kan glo Christo Davids (Errol van 7de Laan) en Theodore Jantjies (Xander, ook van die Laan) se gesigte pronk elke aand op die mense hier in Heidelberg se TV-stelle.

Christo se TV-loopbaan het op elf begin as die jong Dial September in die dramareeks Onder Engele. En toe word hy die jongste mens wat al ooit vir ’n Artes-prys as beste akteur benoem is. Kort daarna het hy in die dramareeks Meeulanders gesig gewys, en daarna was daar verskeie verhoogrolle. Vandag spog die man met ’n rits pryse, onder meer die ATKV se prys vir die beste akteur in 1999 vir die verhoogstuk Kontiki.

Sy liefde vir die verhoog het hy te danke aan sy oupa Goliath Davids, ’n ou TV-gesig en op sy dag Seling in Fiela se kind. ‘‘Al het my ouers nie gedink drama is ’n regte werk nie, het my oupa my alles geleer wat ek vandag van toneelspel weet,’’ vertel hy.

En Theo? Die aantreklike donkerkop vertel hy was sy lewe lank nog ’n dromer – maar klaarblyklik een met ’n avontuurlike streep. ‘‘Ek het my lyf MacGyver gehou en wou altyd polisieman, brandweerman of die een of ander held word.’’ Hy het om die beurt by ma Petronella en ouma Nellie Geswindt gewoon. As die een hom kwaad gemaak het, vertel hy, het hy koers gekies na die ander. ‘‘Ek was vreeslik hardekwas.’’

Petronella, ’n veearts-assistent, stem saam. ‘‘Maar hy was nogal selfstandig en het nie een keer uit die skool gebly nie, al was hy siek,’’ vertel sy. ‘‘Hy het altyd gedroom hy sal eendag op TV wees; dan het ek altyd gedink: Wat praat die kind, sulke goed sal tog nooit gebeur nie.’’
Maar sedert hy ’n paar jaar gelede by 7de Laan ingeval het, loop sy nie een episode mis nie, vertel Petronella.

Lees in Huisgenoot van 2 Oktober meer oor Christo Davids en Theodore Jantjies se pad na Sewende Laan.

Klik hier om muurpapier en speletjies vir jou foon van Huisgenoot se webtuiste af te laai.

Gesels met ons: Klik hier en kies die Full- of Google-weergawe. Vul jou telefoonnommer in, skryf jou boodskap en stuur en klik op Submit.

Klik hier om op die gedrukte weergawe van Huisgenoot in te teken. Ons sal jou terugbel. Kies die Full- of Google-weergawe. Vul jou telefoonnommer in, skryf jou boodskap en stuur en klik op Submit.

LEKKER MENS ANNA

Eers was sy Anna Davel van die Crescendo-talentkompetisie, toe Anna van die a cappella-vrouegroep Cutt Glas en deesdae is die donkerkop met die rokerige stem net Anna Davel, kort en klaar.

Op 37 is sy dolgelukkig. Sy sing en komponeer en skilder. En sy sien daarna uit om weer haar slag met jazz te wys met die vertoning Swing Safari op die Aardklop-kunstefees in Potchefstroom. Jazz lê haar na aan die hart, sê Anna, wat al tien jaar lank unieke liedjies uit haar eie pen sing.

Sy het dus die geleentheid aangegryp om die verhoog vir een aand met kunstenaars soos Brandon October, Gloria Bosman, Timothy Moloi en die Afrika Mamas te deel vir ’n lekker opskop saam met die Jonny Cooper Big Band. En maak geen fout nie, die meeste liedjies is in Afrikaans.

Die vertoning op 4 Oktober pas die sangeres, wat al vyf albums agter haar naam het, se stem en styl volmaak. ‘‘Dis lekker musiek uit die veertiger-, vyftiger- en sestigerjare met liedjies soos Sawends van Jan Pohl en Net ’n Stille Uurtjie van Danie Bosman. Dit gaan die mense se voete laat jeuk.

‘‘Ek hou van tekstuur in musiek,’’ sê Anna. Sy het al ’n Sama-prys vir die beste kontemporêre album losgeslaan met Godinne op die Grondpad, wat twee jaar gelede uitgereik is. Intussen het nog ’n CD, Raaisels, Skepe & 1 000 Drome, die lig gesien. ‘‘Ek gebruik graag instrumente soos die banjo en akkordeon om ’n ander klank te skep, iets waarvoor jazz ruimte laat,’’ sê sy oor ’n koppie koffie in haar kleurryke huis in Moreletapark, Pretoria.

Sy skryf nie net haar eie liedjies nie, maar komponeer ook vir ander bekende kunstenaars soos Elzabé Zietsman en Carike Keuzenkamp.

‘‘My musiek is persoonlik en verklap nogal baie van my,’’ sê Anna. Haar musiek het deur die jare ontwikkel en gegroei. ‘‘My laaste CD is vroliker en ritmieser omdat dit goed gaan met my. Van my ouer liedjies is swaarder. Maar geluk en aanvaarding kom seker ook maar met die ouderdom.’’

Lees meer oor die veelsydige Anna Davel in Huisgenoot van 2 Oktober.

Klik hier om muurpapier en speletjies vir jou foon van Huisgenoot se webtuiste af te laai.

Gesels met ons: Klik hier en kies die Full- of Google-weergawe. Vul jou telefoonnommer in, skryf jou boodskap en stuur en klik op Submit.

Klik hier om op die gedrukte weergawe van Huisgenoot in te teken. Ons sal jou terugbel. Kies die Full- of Google-weergawe. Vul jou telefoonnommer in, skryf jou boodskap en stuur en klik op Submit.

IZAK DAVEL SPOG MET SY SPIERE

Kyk net so vir Izak Davel en sy spiere. Hy het opgetree by ’n funksie ten bate van die Suid-Afrikaanse Mode-akademie wat onlangs in die Silversands Casino gehou is.

Die model Christina Storm en die Idols-finalis Munro du Toit was ook daar. Die liefde blom juis weer vir dié twee. Munro het onlangs geskitter deur sy afwesigheid toe Christina ’n verjaardagpartytjie vir haar kleinding, Ruby, gehou het. Christina het toe erken hul paaie het geskei. Maar dit blyk nou die twee kon die skeiding nie verduur nie en het versoen geraak.

‘‘Ons was net ’n week uitmekaar,’’ het Christina gesê. ‘‘Ons het besef hoe baie ons mekaar mis. Dinge is beter met die tweede probeerslag. Alles het in ’n stadium net te veel begin word, maar ons het besluit ons sal dit laat werk.’’

Munro werk aan sy debuutalbum en Christina is sy grootste aanhanger. ‘‘Ek is mal oor sy musiek; jy kan my seker een van sy groupies noem!’’

Klik hier om muurpapier en speletjies vir jou foon van Huisgenoot se webtuiste af te laai.

Gesels met ons: Klik hier en kies die Full- of Google-weergawe. Vul jou telefoonnommer in, skryf jou boodskap en stuur en klik op Submit.

Klik hier om op die gedrukte weergawe van Huisgenoot in te teken. Ons sal jou terugbel. Kies die Full- of Google-weergawe. Vul jou telefoonnommer in, skryf jou boodskap en stuur en klik op Submit.

KYK WIE’S OP TV

Juanita du Plessis gaan binnekort die kassie tref! Die sangeres het onlangs die eerste opname gemaak vir haar eie TV-program, kykNET Country.

‘‘Ek was aanvanklik ’n bietjie senuagtig, want dit is nuut vir my, maar nou voel ek soos ’n pro,’’ het sy in die Barnyard-teater in Tygervallei, Kaapstad, gesê. ‘‘Ons bring hulde aan die land se beste country-sangers. Ek is lief vir dié soort musiek en ek weet mense gaan mal wees daaroor. Ek voer nou onderhoude met my eie musiekhelde. Dit voel so onwerklik, maar dit is absoluut wonderlik.’’

Die sangers Jakkie Louw en Emo Adams het tydens die opname kom inloer en Emo het selfs ’n oudisie afgelê om in Juanita se program te verskyn. Die reeks gaan uit dertien aflewerings bestaan en word van Januarie af op kykNET uitgesaai.

Juanita vier binnekort haar tiende jaar in die musiekbedryf by Skouspel. ‘‘Dit is mos altyd die hoogtepunt van die jaar,’’ sê sy.

Klik hier om muurpapier en speletjies vir jou foon van Huisgenoot se webtuiste af te laai.

Gesels met ons: Klik hier en kies die Full- of Google-weergawe. Vul jou telefoonnommer in, skryf jou boodskap en stuur en klik op Submit.

Klik hier om op die gedrukte weergawe van Huisgenoot in te teken. Ons sal jou terugbel. Kies die Full- of Google-weergawe. Vul jou telefoonnommer in, skryf jou boodskap en stuur en klik op Submit.

HONGER VIR DIE HOERA’S

Hy hoor die skare van by die 80 000 skree en weet dis nie vir hom nie, maar vir die ou wat in sy nek blaas. Een mistrap in ’n breukdeel van ’n sekonde gaan hom alles kos waaroor hy vier jaar lank al droom.

Dis ons Hilton Langenhoven (25) in die pas afgelope Paralimpiese Spele in Beijing. ’n Halfblinde albino van die Kaap met Li Yansong van China ’n tiende van ’n tree agter hom in die 200 m-naelloop. Met twee goue medaljes vir verspring en die vyfkamp klaar in sy sak het hy reeds besluit vandag kry hy sy derde goue.

By die draai skiet hy vernuftig deur tot in die pylvak en breek oor die wenstreep, minder as ’n sekonde voor die Chinees. Eerste in ’n tyd van 21,94 sekondes! Vuiste in die lug sak hy 40 m ná die eindstreep op sy knieë neer. Plat op sy maag soen hy die baan terwyl hy saggies ‘‘dankie . . . dankie’’ prewel.

Tussen die majestueuse berge in een van die mooiste Bolandse dorpies, Pniël naby Stellenbosch, hoef jy maar net in die hoofstraat te vra waar Hilton woon en almal gee gretig aanwysings. Tydens die Spele was dit sy naam wat op almal se lippe was. Natalie du Toit en Oscar Pistorius wat saam met hom meer as die helfte van die goue medaljes ingeoes het, was reeds wêreldkampioene.

Hilton het amper uit nêrens te voorskyn gekom en sy drie goues boonop in drie verskillende atletieknommers losgeslaan. In die vyfkamp het hy die vorige wêreldrekord van twaalf jaar verbeter. Ons nuwe sportsensasie het met sy terugkeer ’n helde-ontvangs gekry, ook in Pniël met baniere en ’n groot makietie.

By die huis teen die kop waar hy by sy ‘‘skoonmense’’ woon, kom hy ons tegemoet met sy driejarige Whaydie, wat skaam groet, maar kort voor lank spog met sy vinnige ‘‘dadda’’. Hilton is nog nie met Whaydie se ma, Juanita (22), getroud nie, maar woon die afgelope vier jaar al by haar en haar ouers. Juanita is die stil en kalm krag agter hom, kennelik sy grootste bewonderaar.

Lees in Huisgenoot van 2 Oktober hoe Hilton Langenhoven se moeilike kinderjare hom sterk gemaak het.

Klik hier om muurpapier en speletjies vir jou foon van Huisgenoot se webtuiste af te laai.

Gesels met ons: Klik hier en kies die Full- of Google-weergawe. Vul jou telefoonnommer in, skryf jou boodskap en stuur en klik op Submit.

Klik hier om op die gedrukte weergawe van Huisgenoot in te teken. Ons sal jou terugbel. Kies die Full- of Google-weergawe. Vul jou telefoonnommer in, skryf jou boodskap en stuur en klik op Submit.

YOU SPECTACULAR

GELUKSGODIN GLIMLAG VIR MICHELLE PIENAAR

Toe die eerste plathand haar in die gesig tref, was sy verwese. Audrey, die beminde bruinoog-sekretaresse van Egoli, kon nie glo haar saggeaarde man sou ooit sy hande vir haar lig nie.
Maar in ’n onverwagte kinkel wat kykers die afgelope twee maande stomverbaas gelaat het, het Shaun Gillian, eens almal se liefling-giminstrukteur, Audrey eers emosioneel en toe ook fisiek mishandel.

Vir Michelle Pienaar, op die kassie in die rol van Audrey aan die ontvangkant van die misbruik, was dit ’n lewensveranderende ondervinding. Sy was so aangegryp daardeur dat sy ’n geldinsamelingsprojek vir mishandelde vroue begin het.

In Egoli het dit alles begin nadat Shaun besluit het om sy werk te bedank en heeltyds met aandele te woeker. Hy het ’n klomp geld verloor en sy vrou emosioneel begin afkraak. In ’n woedebui rand hy haar toe aan.

In die werklike lewe het Michelle (28) self ondervinding van sulke vergrype, maar gelukkig darem nie eerstehands nie. In haar en haar man se huis in Sunninghill, Johannesburg, lyk sy net so gelukkig soos haar karakter aanvanklik saam met Shaun was. Sy en Norvaal Crosson (34) is nou ses maande lank getroud.

Maar die gebeure op stel het aan haar gevat, erken die brunet wat sedert 2001 in die sepie speel. ‘‘Toe die skrywers my vertel hulle gaan dit inwerk, het ek huis toe gegaan en eers mooi daaroor gaan dink. Ek het besef ek moet die rol oortuigend vertolk, anders sou dit nie werk nie.’’

Dit was vir Marlon Roelfze, as Shaun, net so moeilik om die tonele te skiet as vir haar, sê Michelle. ‘‘Ons het ’n instrukteur gehad wat vir ons gewys het hoe om die baklei-tonele te skiet. Elke keer het Marlon agterna vir my gesê hy is jammer. En hy wou heeltyd weet of hy my seergemaak het.’’

Kykers se reaksie op Egoli se webtuiste was baie interessante leesstof. ‘‘Een vrou het geskryf Audrey is pateties, sy moet net loop. Toe skryf ’n ander sy is self daardeur en sy het elke oggend wakker geword en gehoop die aanranding sou daardie dag ophou. Ek verstaan dit nou.’’

– Lees in Huisgenoot van 25 September meer oor Michelle Pienaar se liefdesgeluk.

Klik hier om muurpapier en speletjies vir jou foon van Huisgenoot se webtuiste af te laai.

Gesels met ons: Klik hier en kies die Full- of Google-weergawe. Vul jou telefoonnommer in, skryf jou boodskap en stuur en klik op Submit.

Klik hier om op die gedrukte weergawe van Huisgenoot in te teken. Ons sal jou terugbel. Kies die Full- of Google-weergawe. Vul jou telefoonnommer in, skryf jou boodskap en stuur en klik op Submit.

HANSIE CRONJÉ WORD ONTHOU

Bertha du Plessis se baba het by die huis gebly toe sy die opening van die fliek oor haar eerste man, die legendariese krieketkaptein Hansie Cronjé, bygewoon het. Sy en haar tweede man, Jacques, het onlangs ouers geword en klein Daniël is nou amper ses maande oud. ‘‘Ons het nie juis slapelose nagte nie; hy’s baie soet,’’ het sy vertel.

Bertha het uit George gevlieg om die première by Montecasino in Johannesburg by te woon, al het sy die fliek reeds op DVD gesien. ‘‘Dis maar moeilik om te kyk, maar ek is hier om Hansie se broer, Frans, te ondersteun. Ek het nog baie kontak met sy familie.’’ Frans was die vervaardiger van die fliek.

Klik hier om muurpapier en speletjies vir jou foon van Huisgenoot se webtuiste af te laai.

Gesels met ons: Klik hier en kies die Full- of Google-weergawe. Vul jou telefoonnommer in, skryf jou boodskap en stuur en klik op Submit.

Klik hier om op die gedrukte weergawe van Huisgenoot in te teken. Ons sal jou terugbel. Kies die Full- of Google-weergawe. Vul jou telefoonnommer in, skryf jou boodskap en stuur en klik op Submit.