Nico en Christi Panagio het die opening bygewoon van 7de Laan se Diaan Lawrenson en haar akteur-kêrel, Jody Abrahams, se restaurant Die Dagbreek.
Die reën het amper die makietie in Villiersdorp in die Wes-Kaap bederf en daar moes omtrent rondgeskarrel word om die partytjie te red.
‘‘Jis, dit was darem nou vir jou ’n ding! Maar die terugvoer was absoluut wonderlik. Al ons vriende en kollegas het ons ondersteun,’’ vertel Jody. ‘‘Van die dorp se inwoners was eers skepties oor die nuwe restaurant. Villiersdorp is mos ’n rustige plekkie en hier kom die mense van die TV en krap alles deurmekaar. Maar die tannies het so lekker gejol, en dit nogal in die reën.’’
Die akteurspaar wil met ’n Op die Stoep-fees begin waar gaste by kerslig stories vertel en die kitaar tokkel. ‘‘Ons wil hê die plaaslike gemeenskap moet ook betrokke raak sodat ons kan werk skep vir mense.’’
Lees meer oor plaaslike bekendes in Huisgenoot van 11 Desember.
